READZ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى الحوار المتحضر الاسماعيلي
 
الرئيسيةالبوابةأحدث الصورالتسجيلدخول
المواضيع الأخيرة
» شرح قصائد كتاب الثالث الثانوي الجديد
رسالة طفلة الى رئيس الوزراء Icon_minitimeالثلاثاء أكتوبر 24, 2017 6:49 pm من طرف أبو سومر

» بكالوريا لغة عربية
رسالة طفلة الى رئيس الوزراء Icon_minitimeالخميس أكتوبر 19, 2017 5:11 am من طرف أبو سومر

» المشتقات في قصائد الصف التاسع للفصل الثاني
رسالة طفلة الى رئيس الوزراء Icon_minitimeالأربعاء أكتوبر 18, 2017 7:21 am من طرف أبو سومر

» المشتقات في قصائد الصف التاسع للفصلين الأول والثاني
رسالة طفلة الى رئيس الوزراء Icon_minitimeالإثنين أكتوبر 16, 2017 4:23 am من طرف أبو سومر

» المفعول فيه تاسع
رسالة طفلة الى رئيس الوزراء Icon_minitimeالسبت سبتمبر 30, 2017 9:38 pm من طرف أبو سومر

» أسئلة الاجتماعيات تاسع 2017لكل المحافظات
رسالة طفلة الى رئيس الوزراء Icon_minitimeالسبت مايو 13, 2017 11:46 pm من طرف أبو سومر

» بكالوريا لغة انجليزية
رسالة طفلة الى رئيس الوزراء Icon_minitimeالأربعاء مايو 10, 2017 9:49 pm من طرف أبو سومر

» بكالوريا علمي أحياء
رسالة طفلة الى رئيس الوزراء Icon_minitimeالأربعاء مايو 10, 2017 7:23 pm من طرف أبو سومر

» تاسع لغة عربية توقعات
رسالة طفلة الى رئيس الوزراء Icon_minitimeالثلاثاء مايو 09, 2017 7:37 am من طرف أبو سومر

» تاسع فيزياء وكيمياء نماذج امتحانية
رسالة طفلة الى رئيس الوزراء Icon_minitimeالثلاثاء مايو 09, 2017 1:12 am من طرف أبو سومر

» تاسع تربية وطنية نماذج امتحانية
رسالة طفلة الى رئيس الوزراء Icon_minitimeالإثنين مايو 08, 2017 9:12 pm من طرف أبو سومر

» تاسع رياضيات هام
رسالة طفلة الى رئيس الوزراء Icon_minitimeالإثنين مايو 08, 2017 8:18 pm من طرف أبو سومر

» السادس لغة عربية
رسالة طفلة الى رئيس الوزراء Icon_minitimeالإثنين مايو 08, 2017 4:12 am من طرف أبو سومر

» بكالوريا علمي كيمياء
رسالة طفلة الى رئيس الوزراء Icon_minitimeالأحد مايو 07, 2017 10:54 pm من طرف أبو سومر

» عاشر لغة انجليزية
رسالة طفلة الى رئيس الوزراء Icon_minitimeالأحد مايو 07, 2017 5:58 pm من طرف أبو سومر

المواقع الرسمية الاسماعيلية
مواقع غير رسمية
مواقع ننصح بها

 

 رسالة طفلة الى رئيس الوزراء

اذهب الى الأسفل 
4 مشترك
كاتب الموضوعرسالة
منى عطا
عضو متميز
عضو متميز




رسالة طفلة الى رئيس الوزراء Empty
مُساهمةموضوع: رسالة طفلة الى رئيس الوزراء   رسالة طفلة الى رئيس الوزراء Icon_minitimeالسبت أبريل 25, 2009 7:54 am

رسالة بتبكي و بتضحك و بتحكي عن الواقع


عمو رئيس الحكومة الحباب..

أنا اسمي سلمى

بيضلو البابا والماما يتخانقوا فوق راسي

وبيضلو زعلانين ومكشرين

وعم يتخانقوا على المصاري



وأنا بخاف كتير لما بيعيط البابا

وبزعل وببكي كتير لما بتبكي الماما

ياعمو ليش ما بتزيدولهون المصاري شوي

لحتى يشترولنا بندورة وبيض وتطعمينا الماما جظمظ

أنا بحب الجظمظ كتير

وبحب اللحمة بس ما بيشترولي ياها أهلي إلا قليل

مبارح ياعمو أخي محمد كان مرضان كتير

والبابا اخدو على المستشفى بنص الليل

والماما كانت عم تبكي

ولما رجع كمان تخانق البابا والماما على المصاري

وعيط البابا كتير وقلها من وين بدي جيب حق الدوا بنص الليل

وأخي سخن كتير وأنا سهرت جنبه وحطيت مي باردة على راسو

والبابا كان عم يستنى يصير الصبح ومن بكير دق على باب الجيران

واخد منهون مصاري ليجيب الدوا..

أنا يا عمو زعلانة كتير منك لانو سألت البابا من وين بتجيب المصاري

قلي من الشغل

قلتلوا ووين بتشتغل.. قلي عند الحكومة..

وأنا شفت صورتك مبارح بالتلفزيون معك كتير عالم عم يزقفولك وأنت وعم تقص شريط

وسألت الماما عنك وقالتلي هادا رئيس الحكومة..

يعني أنت رئيس البابا بالشغل

قلت لأبعتلك هل الرسالة بلكي بتعطيه للبابا مصاري أكتر

لأنو البابا بيستاهل وبضل يقول للماما انو تعبان من الشغل

وبيشتغل بالليل.. وبشوفوا عم يقرا ويكتب على وراق كبيرة اسمها ددابير (اضابير)

بيجيب ددابير وبياخد ددابير.. وبيتأخر كل يوم على الغدا..

يعني بيشتغل كتير.. ليش ما عم تعطوه مصاري.. حرام يا عمو البابا حرام

أنا بحبو كتير وبس أكبر بدي اشتغل وساعدو وأصرف على أخواتي..

بس ما رح اشتغل عندك بالحكومة..

بدي صير شرطية مرور متل جارنا أبو فيصل

كل يوم بياكلوا لحمة..

أو بدي صير مسؤولة متل أبوها لربا عنا بالمدرسة..

ويصير عندي سيارة وشوفير..

أنا كل يوم يا عمو برجع مشي والبيت بعيد..

وبخاف كتير وأنا عم قطع الشارع كلو سيارات..

مرة وأنا وصغيرة لما سألتو للبابا ليش ما عنا سيارة...

ضحك كتير وبعدين حاشني وبكي وبكيت معو وما فهمت شي..

وبعدين لما كبرت عرفت أنو السيارة بدها مصاري كتير والبابا مامعو..

وأنا هلأ عم جمع مصاري بدون ما قول للبابا بدي اشتريلوا سيارة..

صار معي 13 ليرة ورح ضل صمد ليصير معي مصاري كتير..

يعني شي 50 ليرة واشتري لبابا سيارة..

ليوصلنا على المدرسة ويجيب الماما من الشغل الضهر..

لأنو الماما كمان عم تتأخر كتير..

أولت مبارح نطرتها أكتر من ساعتين أدام الباب بهل البرد..

وكل ما بسألها ليش بتتأخري بتقلي اسألي يلي عمل العطلة يومين..

بس ما يكون أنت يا عمو اللي عملت هيك..

حرام عليك الماما عم ينشغل بالها علينا كتير..

وما عم تلحق تعملنا غدا..

وأنا عم ابرد كتير بالشتي..

مع أنو الماما عم تلبنسي كنزة أخي محمد لما كان صغير تحت الصدرية..

بس ما عندي جاكيت والبابا صار بيوعدني من تلات عياد يشتريلي جاكيت..

وما اشترالي بآخر عيد شي.. وأنا قلت لحالي حرام وما ذكرتو..

يلا بس أكبر بدي اشتري لبس كتير..

واشتري لفحة وطاقية صوف كمان وكندرا زهرية وكولون أبيض جديد..

لصير أميرة وأتجوز أمير

وبدي اشتري تخت زيادة لانو اخواتي عم يحشروني كتير بالتخت يلي عم نام فيه..

وبدي اشتري لعبة فلة من عند سبيس تون..

وبدي زفت الحارة..

وركب حنفية فيها مي للشرب..

وبيت ما بتنقطع الكهربا فيه..

وبدي اشتري بيضة يلي فيها لعبة عرفتها هي يلي بتطلع بالتلفزيون

وبدي اشتري للبابا موبايل وللماما سوارة.. يالله أنا بحب الماما كتير..

الماما كتير زعلانة.. مبارح بالليل قعدت جنبنا ونحنا نايمين بالتخت تطلع فينا وتبكي..

شفت دموعها من تحت اللحاف..

كنت عاملة حالي نايمة.. غطيت راسي وبكيت..

يمكن سمعتني.. شالتني من التخت حاشتني الماما بتحبني كتير..

والبابا بيحبني كمان أنا أصغر وحدة بين أخواتي..

امبارح اشترالي صندويشة شاورما طعميتوا منها لقمة.. بس قلي لا تقولي لاخواتك..

بس أنا اشتهيتلون ياها كتير..

وهي شغلة كمان بدي اعملها بس اكبر بدي اشتري لاخواتي شاورما من عند عمو البياع



شوف يا عمو مبارح وأنا عم رتب البيت شلت صباط البابا وشفتو مبخوش..

ويمكن صرلو زمان عم يلبسه هيك..

وإذا بدي قلو يشتري واحد جديد بدو يقلي ما معي مصاري..

والبابا موظف بالجامعة..

وعيب يروح على الجامعة هيك..

فبعتلك هل الرسالة ياعمو بلكي بتديني شوية مصاري.. بين ما اكبر..

لاشتري للبابا صباط..

يا عمو أنا بحبك كتير ومبين عليك كتير طيوب..

وما بترضى البابا يروح عل الشغل هيك..

ما تعملي مشاكل أحسن ما اشكيك لعمو الشرطي..

أو رح خليه يشتغل عند حكومة تانية..

هي تبع آه يا نيالي..

وقد ازعر (أعذر) من انذر .....
الرجوع الى أعلى الصفحة اذهب الى الأسفل
AGA KHANI 77
عضو فضي
عضو فضي
AGA KHANI 77



رسالة طفلة الى رئيس الوزراء Empty
مُساهمةموضوع: رد: رسالة طفلة الى رئيس الوزراء   رسالة طفلة الى رئيس الوزراء Icon_minitimeالأحد أبريل 26, 2009 7:53 am

يا ليت تزيد الرواتب أكتر
ويفرح كل أطفال سوريا وكل أطفال العالم
وتمتلئ قلوب كل البشر بالخير
وتختفي كل الدمعات
الرجوع الى أعلى الصفحة اذهب الى الأسفل
هادي الشعراني
مدير
مدير




رسالة طفلة الى رئيس الوزراء Empty
مُساهمةموضوع: رد: رسالة طفلة الى رئيس الوزراء   رسالة طفلة الى رئيس الوزراء Icon_minitimeالأحد أبريل 26, 2009 7:35 pm

فلنقم بالدعاء لنستطيع أن نجعل أطفالنا فرحين
الرجوع الى أعلى الصفحة اذهب الى الأسفل
اميمة
عضو جديد
عضو جديد




رسالة طفلة الى رئيس الوزراء Empty
مُساهمةموضوع: رد: رسالة طفلة الى رئيس الوزراء   رسالة طفلة الى رئيس الوزراء Icon_minitimeالثلاثاء أكتوبر 06, 2009 4:11 am

اسلوب ذكي...ودعابة مبكية مفرحة
بس يا خسارة
عمو رئيس الوزراء
لانو عندو مصاري كتير
ما بيعرف يترجم لغة الفقراء
والمشكلة العويصة
انو لو جابو عمو رئيس وزراء فقير
فجاءة بيصير معو مصاري كتير
وكمان ما بيعرف يقراء لغة الفقراء
طيب
شو رأيك نبعتلو اميل!!!!!
ما بتعرفي....يمكن تنقش معنا
الرجوع الى أعلى الصفحة اذهب الى الأسفل
 
رسالة طفلة الى رئيس الوزراء
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
READZ :: قسم الأعضاء :: استراحة الأعضاء (نوادر و طرائف )-
انتقل الى: