عتابات سلمونيه

السلام عليكم
يا علي مدد

عــــــلوّة بقـــرب ولفي تمنى عيني
يا يمّة ليـــــــــــش عنّوا تمنعيني ؟
عشـــــــــــــيري إذا متت تم نعيني
عسانا نلتقي يوم الحســــــــــــــاب
***
ســـــقوني كـاس مية عنب من دال
دعــــــــوني تيه بالبراري ما اــندل
ضربت آني لهم ألفين منــــــــــــدل
ولا اندليت عا دروب الحــــــــــباب
***
سيف الـ خش صـدري والمايقطع
متى تسكن جـروحي والمي يقطع
شلون اعبر العاصي والمي اقطع
وبقلبي ألف جرح من الحــــــباب
***
جرحني بعين محبوبي وساب عين
كما اللبوة تهاجـــــــــمني وسبعين
وصرت من العمر تسعة وسبعــين
وبعدني بحب أيام الاحـــــــــــــباب
***
اشرح لي يا قلم حــزنّي ونص عام
مراكبنا غرق نصــــــها ونص عام
سنة عم تنزف جروحي ونص عام
ولا يدّ العـــــــون مدّوا لي الاحباب
***
نحلها ريت دمع العــــــــــين جنيت
ولا عليّ بحــــــــــكمها نهار جنيت
لو قالوا بهوى الحــــــــلوين جنّيت
حلو كثير الجنون من الاحــــــــباب
***
دخـــــــيل الرّب يا ماما روحي لهم
بلكي تأجلي ســــــــــــاعة رحيلهم
وصــــاروا يعرفوا انها روحي لهم
قصــــــد صاروا عم يزيدوا العذاب
***
جــــــــميل ريامهم عا التل ساري
كأنو البدر بالعلياء ســـــــــــــاري
تمنى بالســـــــــــفينة كون ساري
لا هدّي وين ما هدّوا الاحـــــــباب
***
بعد ما جن عـــــــــــقلي فقد ظلوا
عيوني عا دربكم دوم ظــــــــــلوا
إذا عن دربنا الأحـــــــــباب ضلّوا
القلب ذكرى بيبقى للاحـــــــــباب

+++++AFAA+++++

شكرالك أخي أمجد على هذه العتابات السلمونية

رح أشكرك بطريقتي
نشدت الدار قال الدار بحّـــــــــــأي
يا ها التنشد عليهم قول ب اي حي
ولواني تعبت وصرت ب هيك بحاي
كرمـــــــــــال عينك لا نزيد الطرب
***
رياحك يا ظـــــــــــــلومة لايمتني
رغم أهلي بـ حبـــــــــــك لايمتني
ســــــــــــــألت الله ربي لا يمتني
قبل عود الحبيب من الغــــــــياب
***
أبات الليل بـ قليبي ســــــــــوارح
من ابو جعداً على متونوا سوارح
عشيري ماجنيت بعدك سوى ريح
الشمالي يا ولف عقب الغـــــــياب


***
يا ريم البر بـ هواكـــــــــــــم قبلنا
احلف ما حدا مسّــــــــــــــك قبلنا
تعال يمّــنا نخـــــــــــبرك قب إالنا
خمار الحلو لـ نشــــــوف الاهداب
***
عليي طيبين الأهـــــــــــــل ما انم
كرام وبينهم النمّــــــــــــــام ما نم
بعد هجرك حبيبي القـــــلب ما نام
وإلا دمعــــــــــــــــــتي تبل الثياب


***
شـــو اللّي دار بعــــــدي براس لّك
تـ صار الغير سراً براســـــــــــــلّك
حلّفتك بـ إلاهك بـ رســــــــــــــولك
صـــــــــــــحيح مضمّنة كرم العنب
***
لفاني ريام من عــــــــقبك مكلمان
جبادي غير هـــــــجرانك ما كلمن
علـــــيل القلب يا غالي مو كل من
يوصــــــــــــــــف دوا للدلال طاب

_________________

سلمية...الطفلة التي تعثرت بطرف أوربا وهي تلهو بأقراطها الفاطمية وشعرها الذهبي وظلت جاثية وباكية منذ ذلك الحين

سلمية ..
الدمعة التي ذرفها الرومان
على اول أسير
فكّ قيوده بأسنانه
ومات حنينا اليها

شكرا تقبل مروري

يم دارو ياما هقفت وعشبابيكو ياما ربزت
وبحاكورتو ياما خمخمت وعليه ياما زرنت
ومن الفرحة ياما شوبشت وعلى حديجة دارو ياما اندبجت
ولسوالفو ارتحت وطقست ولاخدتو كنت اهلي هبرت
وياصقر راسي لمن اخدتو شو خسبت خسبت حالي بالجنة ادرفقت
وعرفت بعدين انو حياتي خيست وماكنت اعرف انو واحد جنغلا وهردبشت
مابياكل غير باض مقلي بالطوايي برشت وعزا لمن كبر صارت بلاضيمو مرهوطة وسيلتي سلت
والعترا على كيلونو اللي عن وصفو عجزت سنينو مفرضعة وشفيتيرو ملولطة وخشومو مفنشة وشعراتو على طول شي مزوعة وشي مقنزعة
بالشخاطة بشعل سيكارة ورا سيكارة لحتى من الريحة كنت اختنقت
كل يوم بيكرع سقرق عرق اللي منو روجت تعقدت
لانو كل ما سكر بتجوجح اتوسة وبينجعص عالتخت
وبقلي هلق صار الوضع سكلما وسرحت نحلتي ومخمخت
ولما قلتلو لاش هالمصاري دهدرت وبصحتك لاك كيف عملت
قام صطرني كف صورني صور وهبدني ضربي ولعند اهلي كحشني
ضبات كلاكيشي وحنترت وطنجرت ولعند اهلي صورخت

غاديني وأنا عم أعمل جحش هوا .... طسيتا
حصت ولصت..... ع جمالا اشتلقت
ورِّيت شوكان بايدي
ومدري شو صرلي تلعبجت
دقدست عنا واسما عرفت
ومن وقتا بحبا اندرخت
ياما وراها زومعت وفنحت
ومن شانا ياما تكرفتت وتدعكلت
وعالحيطان شقد تعشبقت
وبراميات الوحل ياما تمرطست
وقديش بالزوابيق لقلقت
بس لأعرف وين بيتا......وعرفت
حاولت كلي من هالبنبوقة ... بس ما قدرت
لأني بحبا تزردكت وتزربطت ومعد فيي زملطت
وصار اللي صار واكلنا الكم وفيا ارتبطت
وبعدين طلبت ايدا وتجوزت
بس وقتا لعرفت
انو كل هاللعي كان لت وعجن
تمنيت لو إني عيوني بلبصت
ولا شفت اللي شفت
طلعت وحدة جقجوقة
ومأنتة كتير ومجلوقة
لهلق ما بتعرف تمسك الخاشوقة
ومالا غير تلبس هالبشلوقة
وتدور عالجيران بالزابوقة
كل مرة بتهوبر وبتفتح باجوقا
وبتطلعلي بشي بنبوقة
أي والله طلعت وحدة كركوبة
وياما انتبهت انا ما بتوبي
كل ما حردت بسلقالا تبتوبي
ما بتعرف تغسل بالطشت
وخلتني قدام العالم اتنشحت
كل ما خشيت عالغرفة لألبس بكون شفت
الهدوم معرمة تعريم... وللاقي قلاشيني بدي انكتا نكت
ومقا الي نفس تنوسفت
وصرت اتزولع كل ما تزرزقت
ومن الجوع انجقمت
لأنو من طبخاتنا المخبوصة قرفت
ياما من تحت راسا انمقتت
وبالجكرة تنحت وبوزمت
وصرت أعمل حالي من النعس نهنت
وعالفرشة رحت فرنقعت
وحطيت راسي واندفست
وكل ما بسابع نومة خنفست بكون فيا كوبست
ومن الشيطان تعوزبت
كرهتني حالي
بتمضيا عالكنباية مبشطة
أو عالمضربية متمغطة
شعرا عطول مقفشرومعفشك ويا ريت شفتا مرة متمشطة
ويا ريت بتعرف تلبس هدوما شي مكرشنة وشي مبهبطة
وشي مشبشلة وشي مهركلة وشي مزمرطة
وعلوا بتعرف تحط حطاط..... خلقتا عطول مليصنة وملغطة
صارت حياتي معا صعبة وصرت عطول كشيان
وصرت شوف الحياة قدامي كأنا مطليسة بالجوغان

يا سلام على هذه العتابا الجميلة
شكراً ... وبدنا شي كم غنية ليسا للمرحوم محمد صادق حديد
والله يبارك بالجميع

ولايهمك خيي هادي
المهم انو عتابا سلمونية
شكرا الك ولأمجد
وبحبشولنا اذا في كمان